कल्याण–डोंबिवली महानगरपालिका निवडणूक 2025‑26

कल्याण–डोंबिवली महानगरपालिका निवडणूक 2025‑26 :

कल्याण–डोंबिवली महानगरपालिका ही कल्याण आणि डोंबिवली शहरांचा कारभार पाहणारी स्थानिक स्वराज्य संस्था आहे. शहरातील पाणीपुरवठा, रस्ते, कचरा व्यवस्थापन, आरोग्य सेवा, शिक्षण, ड्रेनेज व्यवस्था तसेच इतर नागरी सुविधा पुरवण्याची जबाबदारी या महानगरपालिकेवर असते. वाढत्या लोकसंख्येमुळे शहराच्या विकासासाठी महापालिकेची भूमिका अत्यंत महत्त्वाची ठरते.

महानगरपालिकेअंतर्गत शहराचे विविध प्रभागांमध्ये विभाजन करण्यात आले आहे. प्रत्येक प्रभागातून निवडून येणारा नगरसेवक हा त्या भागातील नागरिकांचा थेट प्रतिनिधी असतो. काही प्रभागांमधून लोकसंख्येच्या प्रमाणात एकापेक्षा अधिक नगरसेवक निवडले जातात.हे नगरसेवक कल्याण–डोंबिवली महानगरपालिकेच्या सभागृहात नागरिकांचे प्रश्न, तक्रारी आणि स्थानिक समस्या मांडतात. रस्ते दुरुस्ती, पाणीपुरवठा सुधारणा, स्वच्छता, आरोग्य सुविधा आणि विकासकामांसाठी धोरणात्मक निर्णय घेण्यात नगरसेवकांची महत्त्वाची भूमिका असते.कल्याण–डोंबिवली महानगरपालिका शहराच्या सर्वांगीण विकासासाठी विविध योजना राबवते. नागरी सुविधा सक्षम करणे, पायाभूत सुविधा विकसित करणे आणि नागरिकांना मूलभूत सेवा वेळेवर उपलब्ध करून देणे हे महापालिकेचे मुख्य उद्दिष्ट आहे.

 कल्याण–डोंबिवली शहराचे काम कल्याण-डोंबिवली महानगरपालिका तर्फे चालते. याचे मुख्यालय कल्याण येथे आहे. कल्याण, डोंबिवली, आंबिवली, टिटवाळा, कोपर, ठाकुर्ली, विठ्ठलवाडी ह्या रेल्वे स्थानकांचा ह्या महापालिकेत समावेश होतो.

निवडणूक पार्श्वभूमी

कल्याण–डोंबिवली महानगरपालिका ही ठाणे जिल्ह्यातील महत्त्वाची महापालिका मानली जाते. वाढती लोकसंख्या, नागरी समस्या आणि विकासकामे यामुळे ही निवडणूक अत्यंत महत्त्वाची ठरणार आहे. मागील काही वर्षांत पाणीपुरवठा, रस्त्यांची दुरवस्था, वाहतूक कोंडी, कचरा व्यवस्थापन आणि ड्रेनेज हे प्रमुख मुद्दे नागरिकांसमोर आहेत.

कोणते पक्ष मैदानात?

या निवडणुकीत भाजप,शिवसेना (शिंदे गट), शिवसेना (ठाकरे गट), काँग्रेसराष्ट्रवादी , काँग्रेस , मनसे तसेच काही अपक्ष उमेदवारही निवडणूक रिंगणात उतरण्याची शक्यता आहे.

कल्याण–डोंबिवली महानगरपालिका (KDMC) – प्रभाग माहिती

कल्याण–डोंबिवली महानगरपालिका ही कल्याण, डोंबिवली, शिळ-डायघर व आसपासच्या परिसराचा कारभार पाहणारी स्थानिक स्वराज्य संस्था आहे. नागरिकांच्या सोयीसाठी संपूर्ण शहर प्रभागांमध्ये (Wards) विभागले गेले आहे.

कल्याण–डोंबिवली शहरामध्ये एकूण 141 प्रभाग आहेत. कल्याण पूर्व (Kalyan East), कल्याण पश्चिम (Kalyan West), डोंबिवली पूर्व (Dombivli East), डोंबिवली पश्चिम (Dombivli West), शिळ–डायघर परिसर  या भागांमध्ये विभागले गेले आहे.

कल्याण–डोंबिवली महानगरपालिका निवडणूक 2026 : आरक्षणाची माहिती

कल्याण–डोंबिवली महानगरपालिका निवडणुकीत प्रभागनिहाय आरक्षण प्रणाली लागू केली आहे. या आरक्षणामुळे महिला, अनुसूचित जाती, अनुसूचित जमाती आणि इतर मागासवर्गीय घटकांना स्थानिक स्वराज्य संस्थेत प्रतिनिधित्व मिळणार आहे.

KDMC निवडणुकीतील प्रमुख आरक्षण :

महिला आरक्षण

• एकूण प्रभागांपैकी 50% जागा महिलांसाठी राखीव
• सर्वसाधारण महिला
• अनुसूचित जाती महिला
• अनुसूचित जमाती महिला
• ओबीसी महिला
• प्रत्येक निवडणुकीत महिला आरक्षण फिरती (Rotation) पद्धतीने बदलते

 अनुसूचित जाती (SC) आरक्षण

• शहरातील SC लोकसंख्येच्या प्रमाणात प्रभाग राखीव
• SC प्रवर्गातील उमेदवारांनाच त्या प्रभागातून निवडणूक लढवता येते
• SC महिला आरक्षणही लागू

अनुसूचित जमाती (ST) आरक्षण

• आदिवासी लोकसंख्या असलेल्या भागांमध्ये ST साठी प्रभाग राखीव
• ST महिला आरक्षण वेगळे लागू

सर्वसाधारण (General / Open) प्रभाग

• कोणतेही आरक्षण नसलेले प्रभाग
• सर्व उमेदवारांना निवडणूक लढवण्याची मुभा

कल्याण–डोंबिवली  2017 निकालाचा राजकीय चित्र:

• शिवसेना – सर्वाधिक जागा विजयी (एकूण 52 जागा)
• भाजप – दुसऱ्या क्रमांकावर (सुमारे 42 जागा)
• मनसे – जवळपास 9–10 जागा
• कॉंग्रेस / NCP / इतर – काही जागा मिळाल्या होत्या अशी माहिती आहे.

निवडणूक तारीख आणि वेळापत्रक:

  मतदान: १५ जानेवारी २०२६

  मतमोजणी/निकाल: १६ जानेवारी २०२६

निवडणूक तयारी व यंत्रणा

• KDMC मध्ये एकूण 31 पॅनल तयार करण्यात आले आहेत आणि 1,583 मतदान केंद्रे निश्चित झाली आहेत.
• महापालिका क्षेत्रामध्ये 122 नगरसेवक निवडून येणार आहेत.